رغم ان كل يوم بحس انها فعلا مش راجعه تاني بس دايما بحسها موجوده حوليا موجوده في كلام الناس موجوده في الاغاني موجوده في كل مكان بروحه موجوده بضحكتها و بروحها ب ياكل يا حمارموجوده يا راندا
ضاع شادي فيروز غنتها بس شادي راح جسد بس ايه معنى ان جسم يروح ايه معنى ان صوت يروح ان نفس ميطلعش دي حاجات معروفه كلها انها هتخلص بس الذكريات عمرها ما تنتهي ذكرياتي معاكي يا راندا ذكريات كل كلمه بينا كل ضحكه كل زعله كل حاجه يا راندا كل حاجه كرهت النت وكرهت اني اتكلم عليه مع حد غيرك ممكن اكون اتعقدت بس مش عارف الحل ايه وعارف انه مش زمب ان اي حد بيدخل على مدونتي انه يقرى الكلام ده بس على امل اني اكون بحلم على امل ان حد يقولي لا يا فجر كل الناس بتقول ان اللي بيروح مش بيرجع بس بجرب ممكن يرجع بعتذر لكل واحد بيقرى الكلام ده بس لو عرفتم راندا هتعرفوا وهتعذروني لانها انسانه بجد تستاهلاني افضل اتكلم عنها باقي حياتي ولحد ما اموت وحتى بعد ما احب تاني واقولها وحشاني يا راندا
طمنيني بحلم
طمنيني لو حاسه بيا وانا متأكد انك حاسه بيا وعارفه قد ايه تاية وانتي بعيد
بجد يا راندا مش قادر احلم مش قادر اتخيل خلاص بجد مش قاااادر
كتب
قومي عربي
~
الثلاثاء، ديسمبر ١١، ٢٠٠٧
فجر فاروق
