وجهه نظر
على نغمات تامر حسني ومنير وكاظم الساهر قررت اني اكتب
جاتلي رساله على موبايلي هي غريبه جدا ومش عارف ممكن تكون من اغرب الرسائل اللي جاتلي في حياتي.
الرساله نصها "ايه هو معنى الحب من وجهه نظرك يا فجر عايزة اعرف فجر نفسه في ايه وايه هو رايه فيه"
سالتي نفسي ايه هو الحب وقررت ابعد عن الاغاني اللي انا بعشقها واللي بلاقي فيها الكلام اللي انا عايز اقوله لما احس اني في حاله حب فعلا الموضوع خد من وقت كتير عشان اوصل لاجابه- ده لو انا وصلت فعلا- على السؤال اللي عمري ما فكرت اساله لنفسي انا عايز ايه من الحب وعايز ايه من حبيبتي؟؟
اول حاجه جاتلي في دماغي اغنيه لتامر بتقول معاك هقدر امشي واكمل ولو مين جرحني هتحمل علشان عيونك يا حبيبي انا اموت بجد ولا اسيبك .بس ثواني انا قولت مش عايز اغاني انا عايز كلام بجد -رغم ان الاغاني كلام وشعور واحاسيس برضه- قولت افكر بعقلي ولو مرة في موضوع الحب مع اني شايف ان الحب ده الحاجه الوحيده اللي لازم افكر فيها بقلبي بس معلش عشان اجاوب على السؤال لازم افكر بعقلي طيب افكر بعقلي
ممكن نقول الحب مستقبل بس ازاي مستقبل يعني لو الواحد متجوزش البنت اللي بيحبها يبقى مستقبله خلاص بح ...يبقى مش مستقبل
الحب راحه نفسيه لا برضه ممكن تكون مع اللي بتحبه بس مش مرتاح نفسيا ممكن تكون خايف من بكرة وده طبيعي جدا عشان كده مش راحه نفسيه
الحب كلام حلو بيسعد الواحد لا برضه ده جزء من الحب وجزء صغير كمان مش كبير
وبعد تفكير كتير من النوع ده حسيت حاجه جميله قوي
الحب حياة
ومعنى تاني انا احب اذن انا موجود
دي وجهه نظري ان الحب فعلا اهم حاجه في الدنيا
الحب بكل اشكاله حب الاب والام حب الاخوات حب الاصدقاء حب العمل حب مصر حب العشق حب السجاير حب الاكل حب حب حب حب حب حب حب كل حاجه حلوة في حياتنا حب .
الحمد لله ادي اول سؤال ايه الحب من وجهه نظري حياة ندخل على السؤال التاني
فجر نفسه ايه من الحب بكل بساطه وبدون اي مقدمات
فجر نفسه يكون موجود بجد ولو مرة واحده في حياته.
بس خلاص
.gif)
فجر فاروق
