الى الملاك السوري الذي احترمه واقدره واعتنز بيه كثير
الى اميرة مصياف وسيدتها الجميله
الى نهله صديقتي السوريه
انا على وعد بزيارتي في اقرب وقت
كتييير اشتقتلك
الى الملاك السوري الذي احترمه واقدره واعتنز بيه كثير
الى اميرة مصياف وسيدتها الجميله
الى نهله صديقتي السوريه
انا على وعد بزيارتي في اقرب وقت
كتييير اشتقتلك
راندا بجد مفتقدك
بقالي كتير متلكمتش بقالي كتير حاسس ان في حاجه نقصاني
مش عارف انتي هتشوفي الكلام ده ولا لا مش عارف انتي فين بجد عايز اعرف
حياة الروح ,نسيني بيك ,بين ايديك , كلام الدنيا كله ,حبيبي يا عاشق,خليك معايا , because u love me
ياااااااااااااااه يا راندا قد ايه وحشاني يعني بعد كل ده ينبقالي منك شويه اغاني وشويه اميلات مش اكتر من ذكريات
انتي فين يا كلب يا حمار وحشتيني
مش عارف انتي موجوده ولا لا بس قولت احاول اعمل اي حاجه بجد تعبت من التفكير مش عايز غير اني اطمن عليكي بس
بقيت كل يوم بقرى اميلاتك فاكراها حفظتها ونفسي اشوف اميل تاني
وحشتيني يا بنت الايه بجد مش عارف اقول غير انك ملاك وعشان كده مش موجوده صح بصبر نفسي
حاسس ان الكلام مش مترتب واعتقد انتي الوحيده اللي هتحسي بكل كلمه بكتبها وهتفهميها
راندا حياتي ناقصها كتير يا راندا احنا اصدقاء وهنفضل اصدقاء
فاكرة لما قولتيلي انك نفسك اكتب عنك انا اللي نفسي اللوقتي اطمن عليكي مش عايز اكتر من كده بس طمنيني عليكي
وحياة كل لحظه حلوة كانت بيني وبنيك تطمنيني
وحياه كل غنوة سمعتهالك وسمعتهالي تطمنيني
وحياه كل كلمه اتكلمناها مع بعض تطمنيني
وحياه احلامنا اللي حلمناها مع بعض تطمنيني
وحياه حديقه الازهر تطمنيني
وحياه فرحنا تطمنيني
وحياه كل دور في تورته الفرح تطمنيي
هستناكي ومش هنساكي يا راندا وعارف انك لو قريتي الكلام ده هطمنيني صح يا راندا
أخبروني لما لانستحق السعادة أو النجاح أو الصداقة أو المحبة من الآخرين لماذا نستمر في تكرار كلمة ( لا أستحق .. مللت الحياة )اتعلمنا تدمير انفسنا أو تصغيرها أو تحقيرها.. ولكننا لم نتعلم أن نقول لنفسنا ولو لمرة( نحن نستحق او انا استحق)لم نحاول أن نصنع ابتسامة حقيقية على شفاهنا وامتلأتْ مشاعرنا بابتسامة صفراء تجلب المرض لا نفكر في جلب السعادة لنفسنا بل نتتظرها من الآخرين كلنا يستحق الحياة بكل ما فيها من معاني جميلة ..في حياتنا كثير من السلبيات التي نفرضها نحن لا غيرنا فأحياناً قد نحاصر أنفسنا بسيل من الأتهامات فنجعل حياتنا دائرة مغلقة تنصب في محيط واحد الا وهو( سلبيات . سلبيات . سلبيات ) نحن لانعي مدى تأثر حياتنا بهذا الكم الهائل من هذه السلبيات ولاندرك حجم الأثر الذي تحدثه هذه الشحنات االسلبية في حياتنا !فعلى سبيل المثال احياناً قد نحكم على أنفسنا انناعديمي الأستحقاقية لأي شيء جميل ربما لفعل خاطئ اقدمنا عليه,, أو تصرف يبدوا غبياً نوعاً ما فنقسوا على أنفسنا عندها !
كثيراً ربما نحرم انفسنا من شي النفس تهواه اونقصر في شي ما قد يكون سبب في اسعادنا أو نتخذ مايمسى بالتحطيم الذاتي شعاراً لنا ! وبكل السبل نحن نهدم ماهو جميل في اعماقنا ربما احياناً نقوم بحبس انفسنا في ظلمة الحزن والكآبة لأننا نشعر اننا بحاجة الى الحزن بحاجة الى كل الألم الممزوج بالأسى والدموع نستثكر على انفسنا لحظات سعادة احياناً ونعتقد ان القدر قد جعل من الحزن رفيقاً لنا !احياناً نتسائل لما كل هذا التحطيم الذاتي لما لا نحاول ان نفهم بأننا نستحق الحياة ومادمنا في هذه الحياة ذات المشوار الطويل لما لانتمتع بكل ماحولنا لما لانهب لأنفسنا فرصة السعادة التي احياناً نسرقها سرقة وكأن السعادة جريمة يحاسب عليها القانون !
ندرك ان من الخطأ الجسيم تحطيم النفس واشعارها بالأحتقار لكن لما نفعل ذلك مع علمنا بسلبياته !لما لا نصنع لأنفسنا واقع جميل نحن موجودون على هذه الحياة اذن نحن نستحق العيش بسلام مع انفسنا( نتيجة حتمية اننا مع زلاتنا وأخطائنا نستحق الحياة ) الشي الجميل الذي لابد ان نؤمن به ان مانريده يتحقق .. وأن مانسعى اليه لابد ان يحدث لو أتجه تفكيرنا الى هذه الناحية فسيتشكل فرق كبيرلدينا !انا سوف احقق النجاح في حياتي .. انا سوف أكون أفضل .. حياتي ستكون أجمل.. حياتي سعيدة .. الحياة جميلة .. عبارات لابد ان نردها دوماً لتنعكس ايجابيتها علينا.نحن نكون كما نريد نحن نصنع انفسنا استحق او لا أستحق !
وكأننا نقول لأنفسنا أكون أو لا أكون
عن رمضان والصيام واكيد الحب
اولا وقبل اي كلام كل سنه واي حد بيقرى الكلام ده طيب
رمضان كريم عليا وعليكم وربنا يعيد الايام دي علينا كلنا بخير ان شاء الله
مش عارف برضه زي كل مرة هبدأ منين وبأيه رمضان طبعا شهر كل الناس بتحبه وانا كواحد من الناس بحبه رغم ان فيه ذكرى موت والدي الله يرحمه يوم 3 رمضان ورغم ان انا حاسس ان رمضان جه بسرعه بس برضه كل سنه وانتم طيبيين .
رمضان فعلا دايما بيكون ليه طعم تاني خالص في الحياه وغير الشهور الكتير اللي بتمر زي بعضها دي فكرة ان كل الناس بتاكل في وقت تاني والشباب اللي بيروح يصلي والشباب اللي بينزل جري بعد الفطار عشان يعقد على القهوى ويشرب قهوه زياده في كبايه وسجاير كتير ويفرقع صواريخ في صبي القهوه ونهزر ونتكلم على الاغاني والفطار والصلاه والصوم واللي بينام طول النهار ويقوم على الفطار صيامه 000صح ولا لا ياااااااااااااااااااااااااااااااااه رمضان واغاني حلو يا حلو ورمضان جانا وكلام كتير ولعب الكورة والعزومات والعيال الصغيرة بالفوانيس في الشارع وريحه البيوت اللي مليانه طبيخ وحلويات رمضان
وكله كوم ولما نيجي نتكلم على البنات بصفه عامه والحب بصفه خاصه كوم تاني تطلع الاصوات ويطلع الشيوخ من جوه الشباب اللي اللي نازل من بيته جري عشان يشرب سجاير ويعقد على القهوه يقولك لا ياعم كله الا الكلام في ده ده حرام كأن البنات اتخلقوا عشان قله الادب بس وان اي كلام عن البنات حرام وان الحب خلاص يوقف في رمضان وان الناس اللي بتحب (بجد) تبطل حب عشان مينفعش في رمضان
انا مش متدين قوي بس معتقدش ان ربنا قال اننا نبطل نحب في رمضان او اننا نكره في رمضان الحب حاجه جميله قوي بتخلينا نعيش بتخلينا نكون كويسيين بيعلمنا الصدق بيعلمنا الوفاء بيعلمنا اننا نكون فعلا كويسين بيعلمنا الصبر بيعلمنا صفاء الروح
للعلم انا بتكلم عن الحب اللي بجد البيعد عن اي شهوات ناس هتقول ان الحب لازم يكون فيه شهوة انا مش معترض على ده بس الحب بيخلينا نبعد عن الجسم الحب بيخلينا نتعامل مع الروح مش مع الجسد ده الحب وده حلاوة الحب الحب عمره مكان حرام ولا غلط الحب طول عمرة اجمل مافي الكون بس المهم انه يكون حب بجد حب يخلينا نحس بنفسنا نتكبر عن اي حاجه وعن اي زنب الحب اللي في رمضان فعلا مش غلط-من وجهه نظري- لان اللي هيقول انه مش هيكلم حبيبته في رمضان عشان حرام ده مش بيحب ولا يعرف يعني ايه حب اصلا على العموم بعد كلام كتير اقولكم
رمضان كريم وواكيد برضه حب كريم
الى فداء
قبل اي حاجه في الدنيا وقبل اي كلام بعتذر عن كل اسم انا نسيته في الناس اللي وحشتني واولهم فداء
مين فداء ؟
فداء بنت تونسيه جميله جدا ومثقفه وعسوله واللي اكتر من كده من اقرب الناس الى قلبي ومن اكتر الشخصيات اللي حبتها في مخيم الجزائر ومصر
فداء البنت العسوله اللي كانت بتعلمني فرنسي وللاسف كنت تلميذ فاشل جدا وامتعلمتش غير سافا
فداء البنت اللي كنت بفهم اللهجه التونسيه الجميله بتاعتها من غير ما اجيب حد يترجملي
فداء البنت كانت لما تشفني زعلان كانت بتزعل جدا لزعلى
فداء البنت اللي والله ما نمسيتها ومش هنساها
فداء يا حبيبتي انا اسف جدا ومعتقدش ان كلام كتبته هيزعلك مني عشان انتي عارفه كويس قوي انا قد ايه بحبك وبعتز بيكي جدا جدا جدا يا دودو
فداء وحشتيني وهتوحشيني وبتوحشيني على طول
سافا
وحشتوني
عنوان جامد والله جامد
في اغنيه للعندليب بتقول ولا ننسى حبايبنا اعز الناس حبايبنا مش عارف كل ما اسمع الحته دي من الاغنيه جسمي يقشعر واحس اني بردان جدا وابد افكر في كل حبايبي اللي بعيد عني ولو كانوا حتى قريبيين فعلا في حاجه غريبه
لازم افتكر وافكركم واعرفكم مين حبايبي على قدر الامكان نبدأ باللي بره مصر
اولا محمود مصبح الفلسطيني الجدع اللي انا بعشقه وحشني وفي فلسطين برضه قصي وريم والاردن فراااااس الشاب الجميل قوي نهله جابي ونهله الحلو علاء الشويكي عزيزة المجنونه وليلى واماني وربيع سلوى وهيثم اسعد وزلاطيمو يااااااااااااااه كتير قوي واحشني بره البلاد
مش عايز انسى حد بس الناس وحشتني قوي
ندخل لداخل البلاد
ممكن قريبين مني وممكن اشوفهم في اي وقت بس فعلا حاسس انهم بعاد قوي ووحشني قوي قوي قوي
نبدأ بفادي اسكندر بجد وحشني قوي رغم اننا قضينا المخيم مع بعض بس للاسف مكناش مع بعض خالص وممكن اشوفه بس برضه بيوحشني
زينب حسن الاستاذه الجميله اللي مش عارف ايه اللي حصل بس وحشاني جدا
تامر هنداوي برضه واحشني
وحسام مؤنس ودينا صابر وعمرو عبدالله دول كلهم بيكونوا معايا بس بيوحشوني اعمل ايه طيب حد يقولي
عندما تنبض الحياة
بعد ما نزل شريط عمرو دياب الجديد واللي بعترف اني بعشقه ومع قوة الشريط وانه جامد جدا من وجهه نظري حسيت ان روحي المعنويه مرتفعه وان الدنيا بقت من جديد حلوة ممكن كنت مستني حاجه بحبها عشان اكتب ممكن وممكن برضه اني حاسس ان اللي جاي ممكن يكون احسن من اللي راح الله اعلم بس المهم نفسيتي حاسس انها كويسه
مش عارف حطيت العنوان ده ليه بس فعلا ده اللي حاسه ان الحياة بدأت تنبض من جديد مقبلتش حب جديد ومنستش حب قديم بس ما بقتش بحب القديم اه في ذكريات عايش عليها بس عشان احس اني موجود لاني مش بقدر احس اني موجود الا لما احس بحب بيدق قلبي
دايما الانسان بيتعلق بقشايه او بقصه قديمه او بخروجه حدوته اغينه مثل بسيط في شريط عمرو الجديد - اللي هو جامد من وجهه نظري-فيه اغنيه بتقول ضحكه يعني قلبها مال وخلاص الفرق ما بنا اتشال يلا يا قلبي روحلها يلا قولها كل اللي بيتقال
فعلا مستني الضحكه دي نفسي في الضحكه دي اه نفسي احب وارجع اعيش زي الناس ما هي عايش حاسس ان الموضوع قرب جدا وانا مستنيه وهقابله بس المهم هي تضحك وبجد هروح على طول
مش عارف حاسس اني دخلت في حته تانيه خالص بس انا تعودت اكتب اللي انا حاسس وفعلا حاسس اني مبسوط ليه مش عرف والله بس مبسوط بعد فترة كأبه كبيرة جدا وصلتني اني كرهت الدنيا وكرهت الناس وكرهت نفسي وكرهت احلى ما في حياتي بس حاسس اني عديت المرحله دي نوعا ما عشان كده ممكن اكون اخترت العنوان بس برضه لسه المشوار طويل
بس خلاص
فجر فاروق
