فجر الكرامه

فجر الكرامه

كتب قومي عربي
الثلاثاء، سبتمبر ٢٦، ٢٠٠٦

ما اكتبه ليس لمهاجمه شخص معين او مهاجمه حلم لاشخاص انما هو ما بداخلي تجاه طموحي وليس حلم هو طموح
المقصود بالكرامه هنا الجريده وليس الحزب قصتي مع جريده الكرامه تبدا من 15/8/2005 حيث دخلت هذا المكان اول مرة وهو عبارة عن كوم تراب فضلت في المكان انضف فيه وامسح واكنس واشيل واحط يوميا من الساعه 9 الصبح للساعه 10 او 11 بليل
حبيت المكان اللي حسيت اني انا ساهمت في تكوينه لحد ما صدر اول عدد للجورنال يوم 27/9 يومها كنت موجود في الجورنال انا ومجموعه من الصحفيين منهم سكرتيرة التحرير زينب حسن لحد ما وصل مجدي المعصراوي وهو معاه نسخه من اول عدد من اعداد الكرامه العدد رقم واحد
الحلم اللي كتير استناه شباب وكبار في الجورنال لقيت زينب بتعيط من الفرحه لان ده كان حلمها هو والمروحوم جوزها الاستاذ حمدي صباحي بس انا لمال عيط يومها عيط لاني حاسس ان اول مرة اشترك في عمل او حاجه وتطلع حلوة كده على الاقل من وجهه نظري وعدت الايام والتطورات وعدت سنه من يوم ما روحت الكرامه بس اتغيرت حاجات كتير قوي
اتغيرت الناس اغيرت الطباع ممكن ده الطبيعي بس انا مش قادر اشوفه ان ده الطبيعي مفيش الخوف على الجورنال زي الاول مفيش الروح الحلوة اللي كانت موجوده مفيش الطموح اللي انا اتولدت عليه وبيه وليه ممكن انا اللي اتغيرت بس الاكيد مش انا بس متخيلتش في ويوم اني ممكن اخد قرار اني اسيب طموحي
اذا كان الجونال بالنسبه لناس كتير حلم بس هو بالنسبالي نمكنش حلم لاني اتخلقت فيه وانا متخلقتش في حلم انا اتخلقت في مشروع بيقف على رجليه لما اجي اتكلم مع حد يقلي ده حلمي وده وده بس مكنتش اعرف ان حتى الاحلام فيها حاجات وحشه
انا جريده الكرامه بالنسبه ليا كل حاجه ورغم اني قررت اني اسيب اجمل واحلى مكان لقلبي س انا موجودج فيه بروحي غصب عن كل اللي حاولوا انهم يكرهوني في الكرامه ممكن انا استسلمت وسلمت بدري من وجهه نظر ناس كتير واني مدفعتش عن طموحي
بس ردي لاي انتقاد على ركي لاجمل مكان في الدنيا اني بحاول احافظ على حبيبي للمكان والفكة والطموح حتى لاو كنت بعيد بس غصب ممكن اعترف انا ضعيف بس تضحيتي دي عشان احافظ على حاجه انا بحبها قليي الحلى حاجه ىفي حياتي ومش عايز اكرهها
وزي ما زينب قالتلي في الحفله اللي اتعملت لاول عدد هيفضل اسمي فجر الكرامه ومش هغيرة لاني قد ايه بحب الكرامه