ملهاش اي طعم

ملهاش اي طعم

كتب قومي عربي
الاثنين، نوفمبر ٢٠، ٢٠٠٦

دنيا بجد غريبه حاله نفسيه مرة كويسه والف زفت هيقولوا حال الدنيا بس انا عندي تفسير تاني للحياة من وجهه نظري الشخصيه الحياة عايزه اللي يفهمها زي ما انت عايز كل واحد يفهم الدنيا دي زي ما هو عايز مش زي ما هيا عايزة لو فكرت التفكير ده ممكن ترتاح مش تجربه لاني مش قادر اعمل كده طول الوقت بس ده ممكن يكون حل عبقري مثلا في السياسه الناس مورهاش الا مبارك وجمال محدش فكر في نفسه ابدا محدش فكر ازاي هو يغير نفسه قبل ما نطالب بتغيير مبارك ازاي تطلب تغير وانت من جواك رافض للتغيير صعبه شويه بجد

في الحياة العادية ازاي تحب وانت مش قادر تلاقي اللي بتحبه جمبك مش قادر تحسسه باللي جواك زي ماهو حتى لو حسسته انت محتاج انك تحس ان في ناس عايزاك متكنش كم مهمل في الحياة معادله ممكن تتحقق بس كتير لا ليه برضه مش عارف ممكن عدم تفاهم ممكن ظروف ممكن احنا مش عايزيين كده

مش عايزيين نحس ببعض حتى لو عايزيين مفكرناش ازاي نعمل ده

ايييييييييييييييييييه زمن غريب صحيح

عمرة ما بيديلك كل حاجه حتى لو ادالك بياخد منك كتير قوي زي ايه مش عارف بس هو واخد مني كتير رغم انه اداني الحمد لله طبعا على كل حاجه بس هيا الدنيا كده يوم ليك ويوم عليك

الحياة عبارة عن عجوة وملهاش اي طعم