عندما تعشق الشوكلاته.....عفوا قصدي مصر
الاثنين، مايو ٠٤، ٢٠٠٩
على اسم مصر التاريخ يقدر يقول ما شاء انا مصر عندي احب واجمل الاشياء بحبها وهي مالكه الارض شرق وغرب بحبها وهي مرميه جريحه حرب
حبيت ابدا باحلى شعر اتقال عن مصر من وجهه نظري انا مصر اللي ياما شافت ولسه بتشوف وياما هتشوف مصر الناس الطيبين الغلابه المساليمن مصر الارض والطيبه والنيل واكيد اكيد مصر عبدالناصر كلام متكرر بيتقال ويتعاد كتير بس الفرق في الاحساس وعايز اضيف بعنصرية شديده مصر الاهلي ارجع لمصر حبيبتي كل ما كنت اشوف اعلان جالكسي وخصوصا الجمله الاخيرة اللي انا اخترتها تكون عنوان لتدونتي القي نفسي مش بفكر غير في مصر ممكن عشان متغرب ومشتاق لتفاصيلي وذكرياتي ووسط البلد والبورصه والنيل وعم شمس بتاع الشاي وفادي اسكندر وتامر هنداوي وزينب حسن وطارق سعيد ياااااااه قايم طويله مش عايز انسى فيها حد وارجع اقول رامي وعمرو ودندوش ودندون وحسام يااااااه مش عايز انسى حد بس مشتاق لمصر اكتر مشتاق لهواها وبردها وحرها وزحمتها وخنقتها وقسوتها وعساكرها وامن دولتها ياااه يامصر مشتاق للمظاهرات والنقابه وبعد ده كله بتقولوا ليه مصر عشان مصر هي الام الحنينه القاسيه
الام اللي ساعات بتحس انها بتحرمك وبتجبرك على حاجات انت مش عايزها بس مهما حصل الام هتفضل ام مهما عملت فينا وهنفضل ولادها وعشقنا مهما بعدنا عنها واتغربنا براها وجواها مصر هي مصر ام الدنيا وامي الجميله اللي عشقها بيعدي الخيال ولما قالت شرين اننا ممكن لما بنبعد عنها بنحس بيها كانت صح فعلا وانا في مصر كنت بحبها ولما سافرت بقيت بعشها لدرجه خلتني مش عايز حاجه غير اني اشم هواها رغم تلوثه وامشي في شوارعها رغم زحمتها وخنقتها ياااه يا مصر يا حبيبتي .
بجد مصر ليها عشق خاص مش عند المصريين بس لا عند كل الناس وكفايه كده عشان بدأت ادمع وعندي شغل بكره الصبح
تصبحي على خير يا مصر
فجر فاروق
1 التعليقات:
وانت من أهله يا فيجو