ايييييييييييه انت بتقول ايه

ايييييييييييه انت بتقول ايه

كتب قومي عربي
الجمعة، أكتوبر ٠٦، ٢٠٠٦

مدام البلوجر ده بتاعي واقدر اكتب فيه اللي انا عاوزة فانا هكتب عن ناس انا بحهم قوي واثروا فيا قوي بس مش عارف ابدا بمين ولا مين كتير قوي اللي بحبهم

احب ابدا بالاستاذه زينب حسن سكرتيرة تحرير الجورنال هيا اللي اطلقت عليا لقب انا بحبه قوي وبعتز بيه جدا وهو (فجر الكرامه) بعد اول عدد طلع للجورنال زينب حسن من اعظم النساء اللي ممكن الشخص يقابلها في حياته انسانه رقيقه جدا وحنونه حدا جدا غير كده جدعه قوي قوي قوي اجدع من ميت راجل فعلا امراه عظيمه جدا الواحد صعب انه يلاقي صديقه واخت وام زيها في الدنيا غير طبعا بنتها هيا الجميله العسوله اللي كل الناس بيعشقوها عشان شقوتها وخفه دمها ................ طبعا انا واحد من الناس دول

زينب حسن من اول الناس اللي وقفوا معايا في بدايه حياتي عشان اقدر القى نفسي في مجتمع بالنسبه ليا جديد قد ايه انا استفدت منها وقد ايه انا شايلها جميل مش هنساه طول عمري

يا اطبطب يا ادلع

زينب حسن ........................ شكرا

فادي امين سليمان اسكندر الشاب الناصري القومي الجميل اللي عرفته بجد في اوقات هيا اللي ممكن نعرف فيها الكويس من الوحش فادي اسكندر اللي اداني ثقه في اوقات انا كنت فعلا محتاجها فيها الشاب الجميل الوسيم اللي كتير جدا بيحبوة وانا واحد منهم الراجل اللي بتلقيه في اوقات الشده واقف في ضهرك بشكر الجزائر انها خلتني اتعرف على الانسان ده كويس من قرب وبشكرة على مواقفه معايا

ثورتنا الجاية مين نار ثورة ناصريه يا فادي يا ريس الوفد الجميل

دينا صااااااااااااااااابر دندون البنت الجدعه صاحب صاحبه زي ما بيقولوا البنت اللي اول ما عرفتها كانت هتضربني في شارع رمسيس لاكتب اسمك يا دينا عجدران الزنازين احلى حاجه حصلتلي في رحله الجزائر واجمل صديق طلعت بيه منها بنت بملون بنت عرفتهم وراجل بتلاته مليون راجل بنت قد ايه مشاعرها عاليه قد ايه بتقدر الانسان اللي بتعامل معها قد ايه وفيه وجدعه زالله مهما اتكلمت عنها مش هقدر اوفيلها نص ولا ربع حقها كل اللي اقدر اقولهولها ربنا يسعدها مع الانسان الجميل اللي معاها الصديق الجدع اللي لسه هكتب عنه عمرو عبدالله ربنا يسعدكم ويوفقكم ويخليكم لبعض

دينا ........... سلمولي على مصر سلمولي

تامر هنداوي ابدا كلامي معاه ب ( من علمني حرفا صرت له عبدا ) شكرا شكرا يا تامر على كل حاجه عملتها معايا شكرا على كل كلمه علمتهاني شكرا على وقفك جمبي في ازماتي شكرا على وجودك جمبي في الجورنال وفي حياتي صدقني يا صاحبي مهما اتكلمت مش هقدر اوفيك على عملته معايا بس مش لازم احكي لان انت سبب من اسباب انتي بقيت اهو شويه بتعلم من الحياة وبشوف حاجات عمري ما كنت اتخيل اني اتعلمها ابدا شكرا كمان مرة وبرضه مش هوفيك حقك يا تامر ربنا يخيلك رشا يااااارب

يا هنداوي ما بنخاف هنردد نفس الهتاف

دينا اسكندر دندوشة البنت الرقيقه البنت اللي مكنتش اعرفها كويس زي ما عرفتها الفترة اللي فاتت واللي هحارب عشان تفضل صداقتنا موجوده ومستمرة بنفس القوة رغم اي محاولات فاشله من اي حد انا هفضل صامد صامد عشان احافظ على العلاقه دي ربنا يخليكي ليا يا دندوش قبل النوم دندوش بعد النوم دندوش عالترويقه دندوش كل دقيقه ودقي يا مزيكا دندوش دندوش

لسه القائمه مستمرة ولسه في ناس بس انا تعبت اللوقتي