بقيه الاحباب

بقيه الاحباب

كتب قومي عربي
الأربعاء، أكتوبر ١١، ٢٠٠٦

كنت اتكلمت عن مجموعه من الاصدقاء في العمل اللي بحبهم جدا وهكملهم حاليا

طارق سعيد رئيس قسم الاخبار في الجورنال عندي وشخص انا شايف انه زكي بيعرف يخوض معاركه ومعارك غيرة وبيكسبها فادني كتير جدا واتعلمت منه اكتر اتعلمت ازاي اواجه كويس وكان للاسف هو اول واحد بس قد ايه هو انسان جميل وواضح وكتير بحبه وعلى راي واحد صاحبي هو شكل رشدي اباظه

طارق سعيد ......................... هرجع المدرسه عشان اتعلم تراثنا صح

محمد عبووووووووووووووووود او الدكتور محمد عبود المعيد في كليه الالسن قسم عبري الرجل الضخم الجسم رقيق القلب

كل ما اقرب منه اكتشف انسان تاني في غايه الجمال والروعه والرقه انسان قد ايه هو حنين قد ايه بيحب يساعد اللي حواليه

قد ايه هو عايز يساعدني عشان اعرف الاقى نفسي بجد رغم ضخامت جسمه قد ايه نيته بيضاء ورائع جدا وفعلا يستاهل كل خير ربنا يوفقه

عبوود ............... مش ناوي نروح مشورنا بقى

اييييييييييييه عمرو عبدالله

عمرو عبدالله الانسان الجدي الراجل الجدع ابن شبرا بجد اللي عمرك متحس وانت معاه انك تايه لا بتكون عارف ومتأكد ان في حد واقف وراك وبيساعدك وساندك في ظهرك عمرو عبدالله الانسان الطيب اللي ربنا رزقه فعلا ببنت زيه طيبه ربنا يخليكم لبعض وتحافظوا على بعض ويخليكم انتم الاتنين ليا قولوا يارب

عمرو عبدالله ........... بحبك انا كتير